Дали изборот во Брвеница ќе ги тестира односите меѓу ВМРО‑ДПМНЕ и ВРЕДИ?

Изборниот исход во Брвеница предизвика напнатост меѓу владините коалициски партнери ВМРО‑ДПМНЕ и ВРЕДИ, откако најголемата владејачка партија обвини дека помалиот партнер ја одиграл улогата на „тројански коњ“ и ги поделил гласовите во корист на кандидатот поддржан од ДУИ, Аркин Јахији.

Мицкоски по поразот на кандидатот на ВМРО‑ДПМНЕ се огласи на својот Фејсбук профил велејќи дека партијата се борела „сама против сите“.

Ф.Б статус: "Сами против сите. Ние со изборна програма и концепт, тие со поддршката на демографијата, националната карта и по некој тројанец за одвлекување на гласови. Сепак, растот на гласови од првиот круг е јасен и чист од 3000 на 4200, а во однос на парламентарните избори имаме раст од 1300, но за жал недоволно за целосна победа."

Реакции и оценки

Иако ги изнесоа обвинувањата против ВРЕДИ, од ВМРО‑ДПМНЕ посочија дека изборниот резултат нема да биде конечен тест за опстанокот на коалицијата. Тие нагласија дека, иако ги гледаат потезите на помалиот партнер како штетни за нивната кандидатура, вистинската проверка е имплементацијата на владината програма.

Лидерот на СДСМ, Венко Филипче, оцени дека темата за Брвеница се експлоатира со цел ВМРО‑ДПМНЕ да се претстави како жртва, наместо да се занимава со поголеми прашања кои им се важни на граѓаните.

ВРЕДИ во јавната реакција ги одби обвинувањата и ја истакна автономијата на гласачите.

ВРЕДИ: "Ниту една политичка партија не ги контролира гласовите и не може да претендира на нивна сопственост . Гласовите им припаѓаат на граѓаните кои се слободни да одлучат кому ќе му ја доверат својата поддршка . Ова е демократски принцип кој треба да го почитуваат сите . Граѓанскиот модел не може да се гради со повици за етничко гласање заедно со СДСМ и Левица ."

Лидерот на ДУИ се заблагодари по победата на кандидатот поддржан од НАИ, Аркин Јахији, кој стана нов градоначалник на Брвеница. На изборната ноќ, според локални набљудувачи, се славеше и од едната и од другата страна: штабот на ВМРО‑ДПМНЕ беше полн со овации, а штабот на победничкиот кандидат — со прослава и поддршка.

Фото: прес-материјал од настанот