Данска воведе построги правилa за испити за да спречи употреба на GPT во училишта

Данска донесе построги правила за спроведување на испитите во средните училишта со цел да спречи учениците да ги користат генеративните алатки за вештачка интелигенција при пишување есеи и други писмени задачи.

Новите мерки предвидуваат дека учениците од повисоките средни училишта ќе треба усно да ја бранат својата писмена работа, а наставниците ќе можат да ги прашуваат за аргументите и методите со кои ги застапиле ставовите во нивниот текст. Ова доаѓа по растечката загриженост за употреба на алатки како ChatGPT и Claude.

Три главни мерки

Првата мерка е воведување усна одбрана на есејот или завршната задача — главниот испит што секоја година го полагаат околу 9.000 ученици од средните училишта. Училиштата исто така ќе можат да користат алатки за следење на екраните на компјутерите за време на писмените испити.

Дополнително, училиштата ќе бидат обврзани да инсталираат заштитен ѕид кој ќе го блокира пристапот до ГПТ или слични АИ-алатки и да организираат писмените задачи под директен надзор во училниците.

Третата мерка подразбира поттикнување учениците да ги завршуваат работните задачи во училиште под директен надзор, што според министерството ќе го олесни следењето на процесот, ќе овозможи повратни информации и ќе создаде основа за точна проценка.

Министерот за образование Магнус Хеунике ја образложи одлуката со зборовите: "Во врска со испитите што ги одржавме непосредно пред летниот распуст, можеме да видиме – за прв пат по децении – дека кога учениците полагаат писмени испити и ги завршуваат задачите во училиште, имаше вистински пад на оценките што ги добиваат. Ова јасно докажува дека нешто не е во ред." Построгите правила почнуваат да се применуваат веќе од следната недела, кога учениците се враќаат на училиште.

Фото: прес-материјал од настанот