Почетна
Магазин

Давид Давидовски: Не сум хомосекуалец, сакам постари жени

Давид откри дека до скоро бил во врска со жена 10 години постара и јавно ги демантираше шпекулациите за ориентацијата.

·Магазин
Давид Давидовски: Не сум хомосекуалец, сакам постари жени

Познатиот водител и креатор на содржини Давид Давидовски беше гостин во најновата епизода на емисијата „Кафе муабети“, каде јавно зборуваше за професионалните врвови и падови, но и за приватни детали кои ја изненадија публиката.

Давид е познат по смелиот и неконвенционален стил на облекување, што од детството натаму го изложувало на врсничко насилство и булинг. Тој вели дека стигматизацијата и денес останува присутна и често се врзува за неговиот изглед.

Јавно стави точка на шпекулациите

Поради чести гласини за неговата сексуална ориентација, Давид реши да ги разреши сомнежите пред камерите. Тој рече: „Еве, да им ја разрешам таа нивна дилема. Давид не е хомосекуалец и тоа народот многу добро го знае“.

Потоа откри каков тип на партнери го привлекуваат и сподели дека неодамна бил во сериозна врска: „Давид не е хомосексуалец и тоа не го кријам. До скоро имав една прекрасна врска, со девојка постара од мене 10 години. Не го кријам и фактот дека сакам постари девојки“, изјави тој, оставајќи ја водителката без зборови.

Во емисијата тој зборуваше и за колегијалните односи во естрадата. Давид го спомена своето пријателство со Александар Темелков, поранешната „Гранд“ ѕвезда, со кого снимија неколку емисии и каде, според него, Темелков се снајде добро во улогата на водител.

Не сите искуства пред камерите биле пријатни: Давид се присети и на една непријатна средба со позната македонска водителка која, според него, оставила горчлив вкус; тој не ја именуваше личноста во разговорот.

Целата дискусија и повеќе приказни од зад сцената на македонската естрада може да се проследат во целата епизода на „Кафе муабети“.

Фото: прес-материјал од настанот

Поврзани написи