Дете од Куманово затруено со средство за разредување боја

Министерството за внатрешни работи (МВР) соопшти дека двегодишно дете од Куманово се затруло со средство за разредување боја и е пренесено на натамошно лекување во Клиничкиот центар во Скопје.

Во полициското соопштение стои: „Вчера во 14 часот од Општата болница во Куманово е пријавено дека е донесено двегодишно дете од Куманово што било затруено со средство за разредување на боја“.

По укажаната помош во кумановската болница, детето е пренесено на понатамошно лекување во Клиничкиот центар во Скопје, велат од МВР.

Се преземаат мерки

Од полицијата информираат дека се преземаат мерки за расчистување на случајот и дека истрагата е во тек.

Како што е наведено, ова не е прв таков случај во Кумановскиот регион: минатата година беа регистрирани случаи кога деца се затруиле поради внесување средства за чистење, за дезинфекција, како и лекови во форма на таблети.

Фото: Принтскрин