Девет пожари активни низ земјата, два под контрола

До 13:00 на 13 август 2026 година регистрирани се вкупно 13 пожари на отворен простор низ државата. Од нив, девет се сè уште активни, два се под контрола, а останатите два се изгаснати, соопштија попладнево од Центарот за управување со кризи.

Каде гори

Од активните пожари, во општина Студеничани гори мешана шума.

Ниска вегетација гори во општините Велес, Прилеп, Струга, Новаци, Македонски Брод и Могила.

Во регионот на селото Муждивњак, општина Крива Паланка, пожарот опфаќа ниска вегетација и багреми.

На магистрален пат Прилеп - Битола е пријавен пожар што го опожарија ниска вегетација и една викендица.

Пожарите на градската депонија во општина Делчево и во регионот на кичевското село Манастирско Доленци, каде опожарена е нискостеблеста деградирана шума, се под контрола.

Изгаснатите пожари биле на територија на општините Босилово и Јегуновце: во село Старо Балдовци гореле ниска вегетација и шамак (остатоци од жетва), додека на подрачјето на село Копанце изгореле шума и ниска вегетација.

Фото: прес-материјал од настанот