РКЕ: Бензините поевтинуваат за 7 денари, дизелот за 5,5 — нови цени од полноќ

Регулаторната комисија за енергетика (РКЕ) денес донесе одлука со која бензините поевтинуваат за 7 денари за литар, а дизелот се поевтинува за 5,5 денари за литар; новите цени важат од полноќ.

Нови малопродажни цени

Според одлуката, малопродажната цена на Еуросупер БС-95 ќе изнесува 86 денари за литар, Еуросупер БС-98 ќе се продава за 88 денари за литар, а дизелот ќе чини 94,5 денари за литар.

Малопродажната цена на екстра-лесното масло за домаќинство (ЕЛ-1) се намалува за 6,5 денари и ќе изнесува 103,5 денари за литар, додека цената на мазутот М-1 НС се намалува за 6,261 денари за килограм и ќе изнесува 49,312 денари.

Со оваа одлука се врши намалување на малопродажните цени на нафтените деривати во просек за 7,51 отсто.

РКЕ посочува дека референтните цени на нафтените деривати на светскиот пазар, во споредба со претходната пресметка, бележат намалување: кај бензините во просек за 12,340 отсто, кај дизелот за 6,785 отсто, кај екстра-лесното масло за 7,834 отсто и кај мазутот за 13,816 отсто. Курсот на денарот во однос на доларот по кој беа формирани цените со претходната пресметка е понизок за 0,5247 отсто.

Во одлуката е применета владината одлука за намалениот износ на ДДВ за нафтениот дериват еуродизел во износ од 10 отсто и е применет намалениот износ на акцизата од 2 денари за литар кај бензините Еуросупер БС-95 и Еуросупер БС-98 и од 4 денари кај евродизелот.

Фото: прес-материјал од настанот