Џими Роџерс со акустичен спектакл во Бар

Владо Поповски — познат како Џими Роџерс — ќе одржи интимен акустичен настап во Бар, Црна Гора во петок, на 14 август 2026 година. Настанот под наслов „An Acoustic Singer/Songwriter Evening with Jimmy Roggers“ е најавен како отворен и со слободен влез во локацијата Montenegro Tower.

Детали за настанот

Вратите се отвораат во 18:00 часот, а официјалниот музички дел е закажан за 20:00 часот. Организаторите најавуваат топла атмосфера, квалитетен звук и вечер посветена на живата музика и блиската комуникација меѓу изведувачот и публиката.

Поповски доаѓа со кариера долга повеќе од три децении. Тој започнува како 16-годишен уличен музичар низ Европа и во 1991 година основа продукциска куќа во Австрија, каде живее и твори.

Проектите како албумот од 1994 година „Fancy Cowboys“, настапите на Макфест во 1993, 2003 и 2016 година и акустичниот соло албум „Soulmade“ ѝ го обликуваа неговиот стил — спој на блуз, рок емоција и смут-џез.

Во последниот период тој е фокусиран на нов албум на македонски јазик. Неговите авторски синглови — „Како во приказна“, „Под ѕвездите“, „Како ти, како јас“, „Контакт“ и најновата „Само со тебе“ — веќе имаат големо присуство на домашните радиостаници и се искачија на врвот на топ-листите како „Хит на неделата“ на Радио Буба Мара.

За сите кои летово престојуваат на јадранското крајбрежје, настапот на 14 август во Montenegro Tower во Бар е прилика за уште една незаборавна музичка вечер во режија на Џими Роџерс.

Фото: прес-материјал од настанот