„До први“: Моника Зајкова преживеа само седум дена со минимална плата

Документарецот „До први“, реализиран во организација на Сојузот на синдикатите на Македонија (ССМ), ја прикажува секојдневицата и предизвиците на живеењето со минимална плата во земјата.

Пратеничката Моника Зајкова ја прифатила улогата да обиде да го помине месецот со износ еднаков на минималната плата, но во филмот успева да преживее само седум дена. Тоа го става во фокусот несоодветноста меѓу официјалните примања и реалните трошоци на работниците.

Порака до носителите на одлуки

Претседателот на ССМ, Слободан Трендафилов, оцени дека храброста на Зајкова и фактот дека таа не издржа повеќе од недела денови се доволен доказ оти властите немаат слух и не ги чувствуваат тешкотиите на работниците кои едвај го покриваат егзистенцијалното.

Христина Ѓорѓиевскa, главна и одговорна уредничка во медиумот „Види Вака“, кои го снимале филмот, рече дека проектот бил сериозен предизвик: преку искуството на пратеничката да се прикаже дека работниците стојат на работ на егзистенцијата и да се поттикнат креаторите на политики да ги видат реалните услови на живот.

На промоцијата беа поставени 120 столчиња — колку што има пратеници во законодавниот дом — но, според организаторите, ниту еден пратеник не се појавил да се соочи со сликата на секојдневието на граѓаните кои им дале легитимитет, додека пратеничките плати и привилегии остануваат далеку повисоки.

Фото: прес-материјал од настанот