Dy tankerë me dizel rus të destinuar për SHBA ndryshuan kurs
Analisti thotë se dy nga tre anijet u ridrejtuan dhe i treti mund të ndjekë të njëjtën rrugë për shkak të problemeve ligjore dhe rregullatore.
Dy tankerë që transportonin naftë dizel ruse të destinuar për Shtetet e Bashkuara ndryshuan kurs, një zhvillim që nxit pyetje nëse marrëveshja energjetike e lidhur me Donald Trump dhe Moskën po prishet, ndërsa rezervat e karburantit në SHBA vazhdojnë të ulen.
Met Smit, analist i inteligjencës tregtare në Kpler, tha se: "dy nga tre anijet ruse me dizel të destinuara për Shtetet e Bashkuara tani po ridrejtosen drejt destinacioneve të tjera."
Të dhënat e ndjekjes së anijeve tregojnë se Leruo, anije në pronësi të Hong Kongut dhe me flamur të Sierra Leone, e ndryshoi sinjalin dhe vendosi Brazili si destinacion. Tankeri Talisman, i sanksionuar dhe me flamur rus, u ridrejtua drejt bregut të Algjerisë.
Rreziku i ridrejtimeve të tjera
Smit paralajmëroi gjithashtu se anija e tretë, Agioi Fanedes, në pronësi greke, me gjasa do të ndryshojë kurs "për shkak të problemeve rregullatore dhe ligjore."
Vëzhguesit e tregut thonë se këto ridrejtime e komplikojnë furnizimin me produktet e rafinuara ruse drejt tregut amerikan. Ato vijnë në kohën kur rezervat e karburantit në SHBA raportohen në rënie, një faktor që ishte përmendur në diskutimet rreth marrëveshjeve të mundshme tregtare me Moskën.
Mbetet e paqartë nëse këto ridrejtime janë vendime operative afatshkurtra ose tregojnë një ndryshim më të gjerë në mënyrën se si dizeli rus po tregtohet dhe rruget ndërkombëtare të tij. Shërbimet e ndjekjes dhe tregtarët do t'i ndjekin me vëmendje portet e ardhshme të këtyre anijeve.
Foto: Marin trafik)
