Двајца загинаа во судар на патот Илинден–Миладиновци, тројца тешко повредени

Двајца загинаа, а тројца се тешко повредени во ноќен судар на патот Илинден–Миладиновци, кај полициската база Брест, во близина на Меѓународниот аеродром Скопје.

Несреќата се случила околу 2 часот по полноќ, кога „Опел Корса“, управуван од 19-годишен кумановец, директно се судрил со „Хјундаи i30“, управуван од 51-годишен жител на Марино.

На местото на несреќата починале возачот на „Хјундаито“ и неговиот 18-годишен син, додека нивната 18-годишна ќерка е тешко повредена.

Увид и обдукција

Со тешки повреди се здобиле и 19-годишниот возач на „Корсата“ и неговиот 18-годишен сопатник, кои биле пренесени во болница во животозагрозувачка состојба.

Јавен обвинител, вешто лице и увидни екипи на Министерството за внатрешни работи извршиле увид, а издадени се наредби за обдукција на починатите. Причините и околностите за несреќата се утврдуваат.

Фото: прес-материјал од настанот