Почетна
Македонија

Емил Кирјас со остра порака пред европските либерали во Даблин

Потпретседателот на Либералната интернационала порача дека поддршката за ЕУ не може да се смета за автоматска и дека граѓаните бараат видливи резултати.

·Македонија
Емил Кирјас со остра порака пред европските либерали во Даблин

На состанокот на европските либерали во Даблин, одржан во рамките на неформалниот самит на ЕУ, Емил Кирјас, потпретседател на Либералната интернационала, упати остра, директна и отрезнувачка порака за улогата на Европската Унија во современиот геополитички поредок.

Кирјас нагласи дека времињата на безусловно следење на европските лидери се минато и предупреди дека граѓаните во регионот сè повеќе ја забележуваат хипокризијата и недостатокот на конкретни резултати од Брисел.

Според него, тоа го менува начинот на кој се води политичката дебата: поддршката за ЕУ не може да се смета за автоматска, туку треба да се заслужи преку видливи и практични придобивки за луѓето.

Рефокус на очекувањата

Кирјас посочи дека и кај нас во Македонија разговорот веќе не е само за формално членство во ЕУ. За многу граѓани членството стана помалку привлечено поради долгогодишните блокади и неисполнетите ветувања, па дебатата се префрла на градење држава според стандардите на земји како Бенелукс, Данска, Ирска или Естонија.

Неговите забелешки во Даблин ја отсликуваат растечката нетрпеливост во Западен Балкан кон бавните пристапни процеси и кон гаранциите кои не се преточуваат во секојдневни подобрувања.

Учесниците повикаа либералните партии да одговорат со конкретни политики кои обезбедуваат мерлив напредок дома, наместо да се потпираат на апстрактни ветувања од европските институции.

Фото: прес-материјал од настанот

Поврзани написи