ЕУ во ќорсокак: нема договор за буџет, Зеленски бара 70 милијарди евра

Европската Унија се најде во ќорсокак при обидите да го усогласи новиот повеќегодишен буџет, додека истовремено се разгледуваат дополнителни средства за Украина по барањето на Киев за повеќе помош за 2027 година. Во меѓувреме, нападите врз енергетската инфраструктура на Украина и политичката неизвесност во некои земји членки го отежнуваат процесот.

Зелески побара 70 милијарди евра додека преговорите во Брисел застануваат

Украинскиот претседател Володимир Зеленски минатата недела побара од европските лидери дополнителни 70 милијарди евра финансиска и воена помош за 2027 година. На самитот во Брисел тој предупреди за човековите последици од конфликтот: "Русија нè убива. Не сака да престане", рече Зеленски и додаде дека пораз на Украина би можел да предизвика нов бран бегалци кон Европската Унија.

Една од разгледуваните опции е користење на речиси 200 милијарди евра од "замрзнатиот" руски државен имот што се чува во белгискиот депозитар Euroclear. Белгискиот премиер Барт де Вевер поништо не се согласува да се употребат тие средства пред да заврши војната, повикувајќи се на правни и финансиски ризици. Поради тоа лидерите бараат алтернативи, вклучувајќи заедничко задолжување или дополнителни уплати од државите членки.

Предлог-буджeтот на Унијата изнесува речиси два трилиона евра, но по дводневни преговори на минатонеделниот самит не беше постигнат договор. На состаноците излегоа и остри несогласувања околу енергетската политика, што дополнително го отежна усогласувањето.

Процесот за носење одлуки се усложнува и поради изборните циклуси во некои од најголемите економии на ЕУ: Шпанија ќе одржи парламентарни избори веќе следниот месец, Франција има претседателски избори напролет, Италија планира парламентарни избори во 2027 година, а германскиот канцелар Фридрих Мерц се соочува со пад на популарноста додека поддршката за крајно десничарската Алтернатива за Германија расте. Тие четири земји заедно сочинуваат околу 60 отсто од економијата и населението на ЕУ, што дополнително може да го отежни постигнувањето консензус.

Европските лидери сега мора да балансираат меѓу заостанатиот буџетен процес, итните барања на Киев и внатрешно-политичката турбуленција — и сето тоа во пресрет на зима за која украинските власти се плашат дека ќе биде уште потешка поради продолжувањето на нападите врз енергетската мрежа.

Фото: прес-материјал од настанот