Европол и ENFAST ја лансираа кампањата „Најбарани во ЕУ“ за 19 бегалци осомничени за злосторства врз деца и стари лица
Кампања на ENFAST и Европол ги вклучува лица осомничени за сексуална експлоатација на деца и измами врз стари лица.
Европската мрежа на активни тимови за потрага по бегалци (ENFAST), со поддршка на Европол, започна кампања под наслов „Најбарани во ЕУ“ насочена кон пронаоѓање на 19 бегалци од 14 земји кои се бараат за злосторства врз деца и стари лица.
На листата се наоѓаат лица осомничени за сексуална експлоатација на деца, како и за измама чии жртви биле стари лица. Меѓу нив има и осомничени против кои се води кривична постапка и осуденици кои избегнуваат да ја издржат казната.
Апел до граѓаните
ENFAST и Европол ги повикаа граѓаните да ги разгледаат профилите на бараните лица на веб-страницата „Најбарани во ЕУ“ и анонимно да достават информации што би можеле да помогнат во нивното пронаоѓање.
Кампањата ги опфаќа бегалците што ги бараат Австрија, Белгија, Хрватска, Кипар, Чешка, Естонија, Финска, Франција, Германија, Унгарија, Италија, Луксембург, Полска и Шпанија.
Веб-страницата беше лансирана во 2016 година, а во текот на десет години, врз основа на објавените профили е уапсен 191 бегалец.
Фото: прес-материјал од настанот
