Komisioni Evropian publikoi datat zyrtare për ndërrimin e orëve deri në 2031

Komisioni Evropian publikoi kalendarin zyrtar për datat kur do të ndryshohen orët për llogaritjen e verës dhe të dimrit deri në vitin 2031.

Sipas rregullave aktuale të BE-së, llogaritja e verës fillon në javën e fundit të marsit dhe përfundon në javën e fundit të tetorit çdo vit.

Këtë vit, koha e dimrit do të fillojë më 25 tetor, ndërsa llogaritja e verës në 2027 do të nisë më 28 mars dhe do të përfundojë më 31 tetor.

Ora e ndërrimit dhe statusi ligjor

Në informacionet e publikuara në Fletoren Zyrtare të BE-së thuhet se për periudhën 2027–2031 ndryshimet do të bëhen në orën 01:00 sipas Orës Universale të Koordinuar (UTC).

Renditja është përgatitur bazuar në rregullat aktuale në fuqi, që do të thotë se ky kalendar pasqyron kornizën ligjore të tanishme dhe nuk duhet kuptuar si një angazhim që praktikë do të mbetet e pandryshuar deri në 2031.

Nëse ndërkohë miratohen rregullore të reja të BE-së, ndërrimi dy herë në vit i orës mund të hiqet më përpara.

Debati për heqjen e ndryshimeve sezonale të orës në BE zgjat prej vitesh. Parlamenti Evropian miratoi në 2019 një projektligj për ndalimin e ndërrimit të orës në 2021, por zbatimi u shty pasi shtetet anëtare nuk u pajtuan për cilën kohë të mbahen.

Foto: Pexels