Филип Деспотовски: Нема предавање — Македонија цели две победи на ЕП 2026

Машката одбојкарска репрезентација на Македонија пристигна во Софија, каде од среда ја започнува четвртата појава на завршниците на Првенството на континентот. Тимот доаѓа по подготовка од месец и пол и по два месеца натпреварувања во Европската лига.

Генералниот секретар на Одбојкарската федерација, Филип Деспотовски, јасно ја опиша атмосферата и очекувањата пред почетокот на групната фаза и посочи на два меча кои ги смета за најреални за триумф.

Деспотовски: нема предавање, одиме на две победи

„Без разлика на противниците, немаме предавање. И ние играме одбојка, и тие играат одбојка. За овој настан се спремавме месеци и пол и предходно два месеци во Европската лига. Не гледам зашто би се откажале од нешто, иако од нивна страна може не сметаат и за аутсајдери. Јас не се гледам како аутсајдер. Особено не во оние два меча со Португалија и Израел. За првите три, нормално тоа се репрезентации кои ќе се борат за самиот врв, така да реално и таму треба да ја покажеме нашата најдобра игра, меѓутоа шансите се помали отколку во однос на последните два меча“, вели Деспотовски за Спортското радио 90.3 фм.

Тренерот Миленкоски и играчите веќе истакнаа дека имаат голема желба да им приредат нова радост на македонските навивачи. Тимот ќе има два дена за аклиматизација пред премиерниот натпревар, кога во салата „Армеец“ на отворањето ќе игра против домаќинот Бугарија пред повеќе од 14.000 навивачи.

Со група која содржи неколку докажани кандидати за највисок пласман, федерацијата апелира на реален пристап: да се осигураат тие победи кои се најдостапни, а потоа да се покаже најдобрата игра против посилните противници.

Фото: Одбојкарска федерација на Македонија (FB)