ГОК Борец, Струмица 47&72, Работнички 71&22 и Сушево го „заверија“ местото во Првата А лига

ГОК Борец, Струмица 47&72, Работнички 71&22 и Сушево го завршија претколото и обезбедија пласман во Првата А лига во регуларниот дел од сезоната заедно со шампионот Штип УГД. Настапите беа решени во реванш натпреварите на 22.10.2026.

ГОК Борец, Струмица 47&72 и Работнички 71&22 запишаа максимални победи во вторите натпревари и со 2-0 во победи се најдоа меѓу тимовите во А друштвото.

Највозбудлив беше дуелот меѓу Сушево и Лирија, каде Сушево повторно славеше со 3:2. Домаќините поведоа со 2:0 во сетови, Лирија се врати и изедначи на 2:2, но во одлучувачкиот сет Сушево беше поконцентрирано во клучните моменти и со 15:13 дојде до втората победа што ја потврди нивната А позиција.

Во Првата Б лига за регуларниот дел ќе се натпреваруваат Весна Пробиштип, Македонија Џио, Скопје, Лирија и Јанта Волеј (мажи).

Резултати – Претколо, втор натпревар

Штип УГД – Јанта Волеј мажи          3:0 (25:9, 25:7, 25:9)

ГОК Борец – Весна Пробиштип       3:0 (25:10, 25:10, 25:4)

Струмица 47&72 – Македонија Џио           3:0 (25:12, 25:11, 25:22)

Работнички 71&22 – Скопје 3:0 (25:20, 25:17, 25:23)

Сушево – Лирија       3:2 (25:22, 25:19, 21:25, 23:25, 15:13)

Универзитет во Тетово – Шкендија 22.10.2026

Последните учесници во А и Б лигата ќе бидат познати вечерва, кога ќе се одигра реванш дуелот меѓу Универзитет во Тетово и Шкендија. Универзитет во Тетово славеше со 3:0 на првиот меч пред една недела; доколку по вториот натпревар двата тима се изедначат по победи, победникот ќе се одреди со „златен сет“ без оглед на сет количникот.

Фото: прес-материјал од настанот