Filipche dhe Slavevski në përplasje publike rreth ALTA Bank
Filipche thotë se qytetarët mbeten pa akses pas vendosjes së limitit javor prej 10.000 denarësh; guvernatori Slavevski e mohon interpretimin.
Kreu i SDSM, Venko Filipche, kritikoi vendimin e Bankës Kombëtare të Maqedonisë për të kufizuar disponimin e fondeve për klientët me llogari në ALTA Bank AD Bitola, duke theksuar se është vendosur një limit javor prej 10.000 denarësh për personat fizikë, ndërsa personat juridikë nuk i nënshtrohen të njëjtat kufizime.
Filipche deklaroi se me këtë masë paratë e qytetarëve mbeten të bllokuara, ndërsa kompanitë mund të disponojnë lirisht me mjetet e tyre.
Guvernatori i Bankës Kombëtare, Trajko Slavevski, iu përgjigj se Filipche po i keqinterpreton masat e përkohshme dhe e ftoi që ta tërheqë postimin. Në mesazhin e tij guvernatori shkroi: "I nderuar doktor, një person i arsyeshëm do ta hiqte menjëherë 'kirurgjikisht' këtë postim turpërues."
Banka Kombëtare vendosi masa të përkohshme për ALTA Bank AD Bitola, me qëllim mbrojtjen e mjeteve dhe interesave të depozituesve.
Sipas të dhënave të publikuara, depozituesit në bankë kanë rreth 118 milionë euro depozita, ndërsa institucioni financiar shënoi humbje gjatë muajit të fundit.
Që nga 2 nëntori, banka ka mbyllur përkohësisht të gjitha degët për punë me klientët, deri në njoftim të mëtejshëm.
Foto: material shtypi nga ngjarja
