Финска: забележан напад врз руски воен брод во Финскиот залив
Финските сили забележале напад во близина на Гогланд; времето и локацијата може да соодвествуваат со тврдење на СБУ за Наро-Фоминск.
Финската војска соопшти дека забележала напад врз руски воен брод во Финскиот залив и дека состојбата во подрачјето во моментот е стабилна.
„Финските одбранбени сили забележаа напад врз руски воен брод во Финскиот залив. Ја следиме ситуацијата“, изјави портпаролот на финската војска.
Каде е регистриран нападот
Неименуван фински воен претставник изјави за медиуми дека нападот е регистриран во близина на рускиот остров Гогланд, кој се наоѓа на 40 километри јужно од брегот на Финска и 55 километри северно од Естонија.
Претходно, Украинската безбедносна служба (СБУ) објави дека извршила операција во која е погоден рускиот ракетен брод Наро-Фоминск, со наводна тонажа од 850 тони. Според времето и подрачјето на нападот, можно е финските сили да ја забележале истата операција, но засега нема официјална потврда дека станува збор за истиот брод.
Во последниот период Украина лансира дронови кон регионот на северозапад на Русија што опфаќа и Санкт Петербург и пристаништето Уст-Луга на Балтичкото Море — една од главните руски точки за извоз на нафта и житарки.
Фото: прес-материјал од настанот
