Fondi i Sigurimit të Depozitave disponon 25 miliardë denarë

Fondi i Sigurimit të Depozitave aktualisht disponon 25 miliardë denarë, ose mbi 400 milionë euro, njoftoi institucioni.

Sipas rregullave të Fondit, shuma maksimale e kompensimit për individët është 30,000 euro për depozitues, në bankë.

Depozitat që përjashtohen nga kompensimi

Fondi nuk kompenson kategoritë e mëposhtme të depozitave:

• depozitat që kanë përfituar kushte të privilegjuara të interesit, të ndryshme nga ato të publikuara nga banka, dega e bankës së huaj ose kursimorja;
• depozitat e depozituesve që zotërojnë mbi 5% të aksioneve me të drejtë menaxhimi në bankë, dega e bankës së huaj ose kursimorja;
• depozitat e anëtarëve të organeve të menaxhimit të bankës, degës së bankës së huaj ose kursimorjes;
• depozitat e të afërmve të shkallës së parë të depozituesve të përmendur në pikat 2 dhe 3;
• depozitat të lidhura me transaksione që kanë përfshirë pastrim parash, nëse kryerësi është dënuar dhe dënimi është në fuqi.

Nëse depozituesi ka detyrime ndaj bankës, degës ose kursimorjes, shuma totale e depozitave të tij ulet me shumën e atyre detyrimeve për qëllime të kompensimit.

Paguesit aktivizohen vetëm pasi Guvernatori i Bankës Kombëtare të Republikës së Maqedonisë së Veriut të heqë lejen për themelim dhe punë të një banke ose kursimorjeje në përputhje me Ligjin për Bankat. Fondi fillon kompensimin e depozitave të siguruara brenda 20 ditëve nga përfundimtarizimi i vendimit të guvernatorit; në rrethana të jashtëzakonshme fondi mund ta zgjatë afatin për deri në dhjetë ditë.

Foto: material shtypi nga ngjarja