Гравот што го намалува крвниот притисок за само два часа

Ново откритие упатува дека евтина и вообичаена намирница — црвениот грав — може брзо да влијае на вредностите на крвниот притисок.

Хипертензијата често нема јасни симптоми, но може да предизвика сериозни здравствени проблеми како срцев удар, мозочен удар, заболувања на бубрезите и оштетување на видот доколку не се контролира навреме.

Тим Спектор, професор по генетска епидемиологија на Кингс Колеџ во Лондон, посочува дека двa едноставни промени во исхраната имаат големо влијание: зголемување на внесот на калиум (што помага во исфрлањето на солта) и поголем внес на растителни влакна. "Конзумирањето само пет грама влакна повеќе дневно може да го намали крвниот притисок двојно повеќе отколку намалувањето на вносот на сол", тврди д-р Спектор.

Гравот и брзата реакција на крвниот притисок

Научници од Универзитетот во Манитоба во Канада откриле дека консумирањето црвен грав, особено потемни сорти како црвениот и црниот грав, резултира со значително намалување на крвниот притисок во рок од само два часа. Ефектот им се припишува на комбинацијата од влакна и други биолошки соединенија во гравот што го подобруваат здравјето на крвните садови.

Нутриционистката д-р Линија Пател истакнува дека практичноста не треба да ги намали придобивките: "Конзервираниот грав ги има истите добробити како и домашно приготвенио, а ќе се поштедите од киснење преку ноќ. Поедноставете си го животот: ако немате време, купете конзерва грав, најважно е редовно да го јадете." Редовната потрошувачка и разновидноста се клучни, велат експертите.

Здравствените советувачи препорачуваат додавање на намирници богати со калиум и мало зголемување на дневниот внес на влакна, заедно со контрола на внесот на сол, како практична и евтина мерка за оние кои се загрижени за својот крвен притисок. Гравот е достапен, има долг рок на траење и лесно се вклучува во супи, салати и чорби.

Фото: прес-материјал од настанот