Хутите ја презедоа Мока, клучно пристаниште на Црвеното Море
Хутите влегле во Мока на западниот брег на Јемен, позиција што ја надгледува важната морска траса.
Борбите меѓу јеменската армија и Хутите се интензивираат долж западниот брег на Јемен, а Хутите, според извештаите, ја презеле пристанишната Мока.
Клучно место покрај теснецот Баб ел-Мандеб
На социјалните мрежи се појавија снимки на кои, наводно, се гледаат припадници на Хутите во градот, но автентичноста на тие снимки сè уште не е потврдена. Мока има големо стратешко значење поради близината до теснецот Баб ел-Мандеб, еден од клучните поморски премини во регионот.
Доколку преземањето се потврди, Хутите би можеле да добијат подобра позиција за вршење притисок врз бродскиот сообраќај и евентуално негово блокирање во делови од Црвеното Море.
Хутите повеќе од една деценија се борат против јеменската влада, која е поддржана од Саудиска Арабија. Примирјето постигнато во 2022 година го намали интензитетот на конфликтот, но не доведе до трајно политичко решение.
Борбите повторно се заострија по ескалацијата на конфликтот меѓу Иран и Израел и САД.
Фото: прес-материјал од настанот
