Инклузивна тура „Велосипедизам за сите“ со адаптивни велосипеди на 15 август во Преспа

Инклузивна велосипедска тура на 15 август ќе се одржи во Претор, Преспа, во рамки на проектот „Преспански аванТУРИ“. Целта е да се испрати порака дека природата, рекреацијата и туристичките содржини треба да бидат достапни за сите, а велосипедизмот не е само за лица без попреченост.

Почеток, патека и програма

Турата почнува во 9 часот од крстосницата кај Претор, по крајбрежниот појас се стигнува до Сливница, а потоа учесниците повторно се враќаат во Претор. На настанот, покрај стандардните велосипеди, ќе има и адаптивни велосипеди наменети за лица со попреченост. По возењето следува пикник, дружење и презентација и пробување на адаптивните велосипеди.

Организаторите посочуваат дека целта е не само рекреативна, туку и да се покаже дека со минимални прилагодувања обични отворени активности можат да бидат примарно достапни за лица со намалена мобилност или други попречености.

„Во Македонија нема други велосипедски тури на кои учествуваат и лица со адаптивни велосидеди. Сакаме да се подигне оваа тема на повисоко ниво, да покажеме дека ваквите активности се потребни, за понатаму и други организатори нивните настани да ги прилагодат за лица со попреченост“, вели Гере Трипков од здружението „Икуалити“ кое е организатор на турата заедно со „Иднина на традицијата“ од Ресен.

Заинтересираните се повикуваат да пристигнат пред 9 часот на стартната точка; организаторите советуваат да се облече соодветна опрема за возење покрај езерото и нагласуваат дека адаптивните велосипеди ќе бидат достапни за проба.

Фото: Икуалити)