Исплива старо видео од Сузана Гавазова, нема да ја препознаете

Исплива старо видео од Сузана Гавазова кое ја прикажува пејачката со сосема поинаков изглед од оној што го познаваме денес. Во објавите кои повторно се шират по социјалните мрежи се гледа дека уште на почетоците Гавазова често експериментирала со бојата и должината на косата.

Во објавеното видео таа е русокоса со пократка фризура, а на својот Инстаграм споделила и уште едно видео од младоста во кое е црнка и кое привлече внимание по поприлично с*кси изразот. Во една стара снимка се гледа како ја пее песната „Стар ерген“ додека носи тесен фустан со животински дезен.

Почетоци и сцена Валандово

Гавазова е родена на 21 декември 1979 година и потекнува од струмичкото село Сушица. Кариерата ја започнува со групата Пицикато, а првиот професионален настап го има на Фолк фест Валандово во 1998 година.

Во следните неколку години продолжува со соработката со оваа група и ќе издаде два албуми за издавачката куќа Сенатор Битола. Нејзиниот прв соло-настап, како што се потсетува, се случува „пред точно дваесет години, односно во 2004 година“, повторно на валандовската сцена.

Во текот на кариерата Гавазова настапувала со различни бендови, а моментално е на турнеја во Австралија заедно со Молика.

Фото: Инстаграм/ Сузана Гавазова