Избегната катастрофа во Тетово — изгаснат пожар над православните гробишта

Претпладнево околу 11 часот избувна пожар над православните гробишта во Тетово, кој се појави меѓу неколку куќи и брзо се прошири кон блиската шума, во насока на тетовското кале.

На местото интервенираа тетовските пожарникари, а за гаснењето беше ангажиран и полицискиот хеликоптер кој во девет наврати фрлаше вода врз огнените јазици.

Контрола и ризици

Пожарот сега е ставен под целосна контрола, а директорот на Дирекцијата за заштита и спасување, Стојанче Ангелов, го оцени ризикот од ширење кон населбите околу местото.

„Овој пожар имал потенцијал да направи голема беља затоа што наоколу има многу куќи, а и многу населени од она што можам да го видам“, вели директорот на ДЗС.

Според изјавата на еден од жителите на околните куќи, пожарот избувнал за време на детска игра, кога наеднаш се појавила искра и огнот брзо се проширил и зафатил сунѓери во близина.

Екипите остануваат на терен за дополнителни проверки, а засега не се пријавени повреди.

Фото: Принтскрин