Јулија Мациевска блесна во „Качамак“ и најави нова улога во ансамблот Вања Лазарова

Пејачката и водителка Јулија Мациевска ги воодушеви гледачите со својот настап во емисијата „Качамак“ на телевизија Сител, а на социјалните мрежи објави фотографии и кратки видеа од емисијата кои ја пренесоа атмосферата на оние што не ја проследиле во живо.

Нова улога и премиера во живо

За емисијата таа избра елегантен фустан во бургунди боја со впечатлив крој и префинети детали околу струкот, комбиниран со црни високи чизми и пуштена брановидна коса — стајлинг што веднаш собра низа пофалби и комплименти.

Истиот настап Јулија го искористи за да ја објави и важната професионална промена: ќе се приклучи на музичкиот ансамбл Вaња Лазарова како солист и диригент. Во емотивна објава таа ги опиша околностите и реакцијата што ја имала по добивањето на поканата.

Јулија напиша: "Имено, од неодамна добив покана од претседателката Ленче Чолаковска за ангажман во ансамблот, како солист и диригент. Ми рече дека тоа е одлука на нивниот совет и целиот ансамбл, да ми ја доверат функцијата диригент затоа што мислат дека најсоодветно ќе ја извршувам. Со толку почит и внимание ми се обрати, што ме трогна до солзи и просто не беше возможно да се одбие вакво нешто, кога толку луѓе имаат доверба во тебе".

Таа наведува дека соработката почнала со обострана радост и дека веќе се ангажира да го збогатат репертоарот со нови песни и аранжмани. Во рамки на емисијата, покрај улогата на диригент, Јулија премиерно ја изведе во живо песната „Кога падна на Пирина“ како солист.

На крајот на емисијата, Јулија им се заблагодари на довербата и потенцира дека ја прифаќа оваа нова одговорност со многу љубов, радост и посветеност, а посебно се заблагодари и на пријателката Тајчи Додева за убавите фотографски материјали.

Фото: прес-материјал од настанот