Federata e Basketbollit mbajti seminarin parasezonal për gjyqtarë, delegatë dhe kontrolorë

Komisioni i gjyqtarëve pranë Federatës së Basketbollit të Maqedonisë organizoi seminarin parasezonal për gjyqtarë, delegatë dhe kontrolorë nga 25 deri më 27 shtator 2026 në Hotelin "Drim", duke shënuar nisjen zyrtare të përgatitjeve për sezonin 2026/2027.

Programi dhe ligjëruesit

Hapjen ceremoniale e bëri Sekretari i Përgjithshëm Tomche Stojchevski, menaxheri për gjyqtarë në FIBA Manuel Maconi dhe kryetari i Komisionit të Gjyqtarëve, Alija Ferevski. Të njëjtën mbrëmje u zhvillua edhe një punëtori e shkurtër për gjyqtarët që për herë të parë merrnin pjesë në seminar parasezonal, udhëhequr nga Tomi Panov, FRIP1.

Të shtunën programi filloi me testin fizik "Leger" për gjyqtarët, ndërsa delegatët dhe kontrolorët ndoqën një sesion të dedikuar "Rishikim i kontrolleve të sezonit të kaluar dhe udhëzime për sezonin e ardhshëm", të realizuar nga Blashko Klincharov dhe Alija Ferevski.

Pas kësaj vijoi program intensiv teorik dhe edukativ me ligjërata nga trajnerë vendas dhe ndërkombëtarë:

• Manuel Maconi, FIBA Europe – "Rruga e zhvillimit të gjyqtarëve"
• Miodrag Licina, FIBA Europe – "Faulli disruptiv / Faulli flagrant"
• Miodrag Licina, FIBA Europe – "Momenti i gjuajtjes – ndryshimet dhe plotësimet 2026"
• Miodrag Licina, FIBA Europe – "Mbulesa e lojës (lojtar mbrojtës primar/sekondar, fushë përgjegjësie primare/sekondare)"
• Petar Denkovski, NI pranë Federatës së Basketbollit të Maqedonisë – "Faulli teknik – ndryshimet 2026"
• Manuel Maconi, FIBA Europe – "Kontrolli i lojës, Komunikimi nën presion"
• Petar Denkovski, NI pranë Federatës së Basketbollit të Maqedonisë – "Sinjalet e reja të gjyqtarëve, shënimet e reja në procesverbal dhe ndryshimet në rregullat e IRS"

Dita e punës përfundoi me një përmbledhje të aktiviteteteve, e më pas një darkë e përbashkët dhe koktej për pjesëmarrësit.

Programi i dielës përfshiu një punëtori video të realizuar nga Miodrag Licina dhe Petar Denkovski, si dhe sesionin "Analizë e punës së zyrtarëve të sezonit të kaluar dhe rekomandime për të ardhmen" të prezantuar nga Aleksandar Milojević, komisari i Federatës së Basketbollit të Maqedonisë.

Seminari përfundoi me një test teorik për gjyqtarët, delegatët dhe kontrolorët, mbyllje solemne dhe një drekë të përbashkët.

Me realizimin e seminarit parasezonal 2026/2027, Komisioni i gjyqtarëve theksoi angazhimin për edukim të vazhdueshëm dhe zhvillim profesional, me fokus mbi ndryshimet në rregulla, unifikimin e kritereve, kontrollin e lojës dhe komunikimin.

Foto: Sgt. 1st Class Shelman Spencer / Wikimedia Commons (Public domain)