Киев повторно нападнат со ракети и дронови, повеќе експлозии рано утрово

Главниот град на Украина повторно беше цел на масивен руски напад денеска во раните утрински часови, со повеќе ракети и дронови, јавија локалните известувачи. Нападот следуваше неколку часа откако претседателот Володимир Зеленски предупреди на опасност од нов голем удар врз Киев.

Експлозии во различни делови на градот

Според новинарите, низ градот се слушнале бројни експлозии. „Ракети паѓаат една по друга. Колку што можам да избројам, имаше најмалку 10 до 12 експлозии. Во центарот на градот е прилично бучно", изјави новинар на „Киев Индипендант".

Градоначалникот на Киев, Виталиј Кличко, соопшти дека бил погоден неживеалишен објект во областа Оболон. Засега нема официјална проценка за евентуални повредени или општата материјална штета.

Во областа Подил биле погодени магацини, а новинари известиле дека виделе пламен и чад. Екипите за итни случаи интервенираат на терен, додека властите ги повикуваат граѓаните да ги почитуваат упатствата за безбедност.

Претходните известувања зборуваат за голема тензија и подготовка по предупредувањето на зелeнски, но деталите за обемот на штетите сè уште се ограничени додека службите не ја завршат проценката.

Фото: прес-материјал од настанот