Кошутиќ повикува институциите и ЈО да го испитаат ревизорскиот извештај за ЖРСМ Транспорт

Дејан Кошутиќ, претседател на Управниот одбор и генерален директор на ЖРСМ ТРАНСПОРТ, во објава на социјалните мрежи повика надлежните државни институции, вклучително и Јавното обвинителство, да ги разгледаат наодите и препораките од Конечниот извештај на Државниот завод за ревизија и, во рамките на своите законски надлежности, да преземат соодветни активности за утврдување на евентуалните одговорности.

Во таа објава тој нагласи дека очекува да се постигне „институционалната отчетност, владеењето на правото и утврдувањето на одговорноста“.

Клучни наоди и повик за одговорност

Конечниот ревизорски извештај на Државниот завод за ревизија за работењето на ЖРСМ Транспорт АД Скопје, објавен на 3 ноември 2026 година, содржи сериозни наоди за финансиска нестабилност, лошо управување и критична состојба со возниот парк во текот на 2024 година. Според ревизорите, голем дел од тие наоди се однесуваат на работењето на претходното раководство во периодот на претходната Влада и на наследени состојби.

Кошутиќ истакна дека е неопходно менаџментот да се фокусира на стабилизација и реформи. Тој напиша: „Истовремено, неопходно е да се создадат услови менаџментот на ЖРСМ Транспорт целосно да се посвети на својата примарна задача – стабилизација на работењето, финансиска консолидација, обнова на возниот парк и спроведување на започнатите реформи за модернизација и развој на македонската железница. Минатото бара одговорност. Иднината бара работа, реформи и резултати“.

Ревизорите изразија неповолно мислење за вистинитоста на финансиските извештаи и за усогласеноста на работењето со законите. Кошутиќ побара надлежните институции да го разгледаат извештајот и да преземат чекори кои ќе ја разјаснат одговорноста и ќе придонесат за враќање на довербата во железничкиот систем.

Фото: прес-материјал од настанот