Sulm i armatosur në Haiti: të paktën 47 të vrarë pranë Port‑au‑Prince

Nje bandë e armatosur sulmoi një lagje afër Port‑au‑Prince gjatë natës, duke vrarë të paktën 47 persona dhe plagosur 22 të tjerë.

Sulmi shkaktoi indinjatë tek banorët e Kenscoff, të cilët thonë se janë lënë pa mbrojtje përballë sulmeve të përsëritura vdekjeprurëse. Kenscoff ndodhet në rrugët që çojnë drejt kryeqytetit dhe prej vitit të kaluar ishte objekt i disa sulmeve që detyruan mijëra të lëvizin nga shtëpitë e tyre.

Vlerësime për viktimat

Organizata haitiane për të drejtat e njeriut RNDDH raportoi një bilanc paraprak më të ulët, duke thënë se kanë vdekur midis 30 dhe 40 persona dhe janë plagosur 15 deri në 20, dhe paralajmëroi se është ende e vështirë të përcaktohet numri i saktë i viktimave. Organizat a e Kombeve të Bashkuara tha se numri i të vdekurve mund të rritet. Sulmi nisi rreth orës 22:30 me kohë lokale.

Qeveria e Haitit e dënoi sulmin si "i tmerrshëm" dhe premtroi të forcojë sigurinë në zonë. Banorët kërkuan dorëheqjen e shefit lokal të policisë, duke akuzuar oficerët se nuk arritën t'i mbronin pavarësisht se sulmi ndodhi vetëm disa minuta larg stacionit të policisë. "Kenscoff nuk do të braktohet", shkroi zyra e kryeministrit në rrjetet sociale.

Grupet e armatosura të fuqishme, të bashkuara në aleanca më të gjera, kanë zgjeruar kontrollin e tyre në Port‑au‑Prince dhe rrethet përreth për vite me radhë. Kjo ka ndodhur pavarësisht përpjekjeve të partnerëve të huaj për të forcuar Policinë Kombëtare të Haitit, e cila vazhdon të vuajë nga mungesa e personelit dhe pajisjeve.

Qeveria njoftoi se do të ndërmarrë masa për të rivendosur autoritetin shtetëror në atë zonë, ndërsa agjencitë lokale dhe ndërkombëtare paralajmërojnë se situata humanitare dhe e sigurisë mbetet e brishtë teksa pasojat e sulmit ndikojnë tek popullata e zhvendosur.

Foto: Printskrin / Iks/@passioninfoplus