Лекот „Фостер“ повторно достапен без доплата за осигурениците

Министерството за здравство утрово соопшти дека е известено од компанијата — носител на одобрението за ставање во промет на лекот „Фостер“, кој се наоѓа на Позитивната листа на лекови, дека се направени промени во интерес на пациентите.

"Почнувајќи од овој месец, осигурениците повторно ќе можат да го подигнат лекот од аптеките без доплата, односно само со плаќање на законски утврдената партиципација за услугата по рецепт," појаснија од Министерството за здравство.

"Тоа важи и за другите лекови што ги содржат истите активни компоненти и се користат во третманот на хроничната опструктивна белодробна болест," додадоа од министерството.

Што значи ова за пациентите

Одлуката значи дека осигурени лица кои имаат електронски или хартиен рецепт ќе можат да го подигнат „Фостер“ од аптеките со плаќање само на законски утврдената партиципација, без дополнителна наплата на самиот препарат на шалтерот.

Министерството истакна дека оваа промена следува по известувањето од носителот на одобрението и е дел од континуираните активности насочени кон обезбедување поголема достапност на лековите и нивно обезбедување по поприфатливи цени за пациентите.

Фото: прес-материјал од настанот