Lee Jae-myung: Koreja e Jugut nuk do të dërgojë trupa në Gjirin e Hormuzit
Lee përjashtoi dërgimin e forcave që mund ta përfshijnë vendin në luftë, ndërkohë që kërkoi masa të kufizuara për të mbrojtur transportin dhe qytetarët.
Presidenti i Koresë së Jugut, Lee Jae-myung, deklaroi se vendi nuk do të dërgojë forca ushtarake në Gjirin e Hormuzit nëse kjo do të çonte në përfshirjen e tij në konfliktin e Lindjes së Mesme.
Jo për dërgim trupash, po për masa të kufizuara mbrojtëse
Lee theksoi se Seuli nuk do të ndërmarrë veprime që mund të çojnë në pjesëmarrje direkte në luftë, por shtoi se janë të nevojshme veprime minimale për të mbrojtur anijet tregtare jugkoreane, transportin e naftës së papërpunuar dhe sigurinë e qytetarëve.
Sipas tij, publikut i shqetëson mundësia që këto masa mbrojtëse të ngatërrohen me operacione ushtarake, prandaj ai urdhëroi zyrtarët të shqyrtojnë mënyra praktike për të siguruar mbrojtjen e nevojshme në rajon pa u përfshirë në konflikt.
„Për pyetjen e dërgimit të trupave, mund të them këtë: nuk do të ketë dërgim që do të nënkuptojë përfshirje ose angazhim në konflikt. Këtë e konfirmoj qartë. Nuk do të ketë pjesëmarrje ose përfshirje në konflikt. Ne nuk do të kryejmë atë lloj dërgimi, as nuk do të dërgojmë burime ushtarake në atë formë“, deklaroi Lee Jae-myung.
Presidenti shtoi se qeveria po shqyrton masa jo-luftërore, të kufizuara, për mbrojtjen e rrugëve detare dhe të qytetarëve, dhe përsëriti se Koreja e Jugut nuk do të bëhet palë në luftë.
Foto: material shtypi nga ngjarja
