Почетна
Македонија

МАГО: Имаме бесплатни ХПВ вакцини за девојчиња и момчиња, да ги заштитиме децата

На прес‑конференција на 17 ноември гинеколозите потсетија дека вакцината е бесплатна до 19 години и го истакнаа стратешкиот 90‑70‑90 пристап.

·Македонија
МАГО: Имаме бесплатни ХПВ вакцини за девојчиња и момчиња, да ги заштитиме децата

Македонската асоцијација на гинеколози и опстетричари (МАГО) апелираше да се искористат бесплатните вакцини против ХПВ кои се достапни и за девојчињата и за момчињата, со образложение дека превенцијата е најбрзиот пат за да се намалат случаите на карцином на грлото на матката. Апелот беше упатен на прес‑конференција на 17 ноември, Светскиот ден за елиминација на ракот на грлото на матката; меѓу присутните говорници беа претседателот проф. д-р Глигор Тофоски, д-р Емилија Трајковска и д-р Соња Ралева.

МАГО потсети дека вакцинацијата против ХПВ е во задолжителниот календар за имунизација за девојчиња од 12‑годишна возраст, а од мај 2024 деветовалентната вакцина може да ја примаат и момчињата. Бесплатна е за сите до 19 години. За деца од 12 до 15 години се аплицираат две дози, а над 15 години три дози. Доколку некој сака приватно да се вакцинира по наполнети 19 години, една доза чини 8.000 денари.

Постојат нови регистрирани случаи и недоволен опфат

Лекарите предупредија дека ракот на грлото не е исчезнат. ЛАНИ ИМАЛО 122 НОВОЗАБОЛЕНИ ОД РАК НА ГРЛО НА МАТКА, 48 ПОВЕЌЕ ОД 2024, ВЕЛИ Д‑Р КЛИСАРОВСКА ОД ОНКОЛОГИЈА. Проф. д-р Тофоски истакна дека според податоците од 2023 годината годишно има околу 120 пациентки со инвазивен цервикален карцином и од нив најмалку 60 завршуваат со фатален исход. Тој додаде дека во последната анализирана студија имало две пациентки на 18‑годишна возраст.

Спец. д-р Емилија Трајковска зборуваше за нерамномерниот опфат и важноста од кампањите за подигање на свеста. "А има и жени коишто ќе слушнат дека некој во нивна близина се разболел л и од страв веднаш доаѓаат на преглед. Многу се важни овие кампањи, да ја подигнеме свеста и за вакцинирање. На пример, во Источна Македонија е многу повисок степенот на вакцинираност против ХПВ. Таму има помал број на доктори, еден град, еден доктор, докторот е заинтересиран да ги информира жените и жените ги вакцинираат своите деца. Не знам зошто Скопје и Охрид одат и Битола со таков процент? Многу ми е жал зошто да ги пропуштаме вакцините што се бесплатни, зошто да не превенираме кога имаме пациентки во многу млада возраст со инвазивни карциноми, и тоа најчесто ХПВ 16, кој што го имаше и во број 4 и во деветвалентна вакцина", рече д-р Трајковска. Таа посочи и дека често разговара со пациентките и ги повикува да ги вакцинираат децата додека е бесплатна вакцината.

Проф. д-р Тофоски го образложи и стратешкиот пристап 90‑70‑90 и зошто опфатот треба да стане општествен приоритет. "Деведесет отсто од популацијата, значи момчињата и девојчињата, треба да бидат вакцинирани против ХПВ вирусот, 70 отсто од пациентките треба да добијат навремен скрининг за цервикалниот карцином и 90 отсто од пациентките минимум зборуваме да добијат адекватен третман во пораните фази на болеста. Доколку овие три критериуми се исполнат, во текот неколку години, бројот на новорегистрирани случаи би биле под 4 на 100 000, што на некој начин би претставувало постепено исчезнување на оваа болест", кажа тој.

Тоj исто така апелираше дека и мажите треба да се свесни за сериозните последици од ХПВ инфекцијата – од орофарингеални до пенилни и анални карциноми, како и за сексуалните брадавички кои, иако не се карцином, се сериозен проблем за репродуктивниот живот. Според последните извештаи опфатот со две дози вакцина против ХПВ во последните податоци за 2025/2026 година изнесува околу 51,5–52,5 проценти, што е мал пораст но далеку под препорачаниот светски праг од 95 проценти.

Фото: СДК.МК)

Поврзани написи