Мајката на претепаната 21-годишна од Битола: на насилникот му дадоа само 8 дена притвор
Учесниците побараа институциите да го зајакнат притворот и заштитата на жртвите.

Граѓани денеска се собраа пред Владата на Република Северна Македонија на протест против, како што велат, секојдневните случаи на брутално насилство врз девојки и млади жени низ државата. Присутните побараа институциите да преземат построги мерки за да се спречи ослободување на осомничените и понатамошна загрозеност на жртвите.
Случајот од Битола во фокусот
На протестот зборуваше мајката на претепаната 21-годишна девојка од Битола: "НА НАСИЛНИКОТ КОЈ ЦЕЛА ГОДИНА ЈА ТЕПАЛ ЌЕРКА МИ МУ ДАДОА САМО 8 ДЕНА ПРИТВОР".
Организаторите и учесниците го навеле случајот од Битола како пример за, според нив, пракса во која обвинетите брзо се ослободуваат. Според досегашните информации, при приведувањето осомничениот успеал да избега преку прозорец од полициската станица, а по неколку дена сам се пријавил во полиција и сега се наоѓа во притвор.
Протестот повторно ги повика јавните обвинителства и судовите да ги зајакнат мерките за обезбедување на жртвите додека трае истрагата и да избегнуваат кратки периоди на притвор кои ја оставаат жртвата небезбедна.
На собирот присуствуваа граѓани, активисти и роднини на жртви кои побараа законски и процедурни измени за да се спречат повторни напади и да се обезбеди дека осомничените ќе останат во притвор кога постои реална опасност за жртвата.
Фото: К. Попов)


