Почетна
Свет

Макрон: Ограничувањето на помошта за Украина е рецепт за следна војна

Макрон рече дека на самитите во Даблин (12–13 ноември) беше договорено да ѝ се помогне на Украина да ја преживее зимата и да се работи за праведен мир.

·Свет
Макрон: Ограничувањето на помошта за Украина е рецепт за следна војна

Францускиот претседател Емануел Макрон предупреди дека ограничувањето на финансиската и материјалната поддршка за Украина е „рецепт за следната војна“, оценувајќи дека притисокот врз Киев да прифати неправеден мир ќе ја ослаби безбедноста на Европа на долг рок. Тој ги изнесе забелешките по дводневните самитски разговори во Даблин.

Макрон: На состаноците во Даблин се договоривме за два јасни приоритета

Претседателот нагласи дека на самитот на Европската политичка заедница и на неформалниот состанок на Европскиот совет, одржани на 12 и 13 ноември во Даблин, фокусот бил ставен токму на Украина. Тој порача дека е постигната „обединетост околу два приоритета“ — да ѝ се помогне на Украина да ја преброди зимата и да се работи за постигнување праведен и траен мир.

За првиот приоритет Макрон посочи дека е неопходно продолжување на финансиската поддршка и помош за заштита на цивилното население и критичната енергетска инфраструктура — електраните и електричната мрежа. За вториот, рече дека Европа мора целосно да се вклучи во обидите за обликување на периодот по војната, бидејќи безбедноста на континентот зависи од тој мир.

Макрон истакна дека, по предлог на Франција, на самитот на Европската политичка заедница била донесена декларација за принципите што треба да ја водат европската безбедност. Планот предвидува континуирана поддршка за украинската армија и подготовка на мултинационални сили кои би можеле да бидат распоредени по воспоставувањето прекин на огнот.

Тој додаде дека сега е време да се каже јасно — вклучително и пред Русите — што се очекува за периодот по војната, како и што се бара од Соединетите Американски Држави во однос на долгорочната безбедност на Европа. Според Макрон, целта е „да обезбедиме праведен и цврст мир за Украина“, а потоа заедно да се работи на зајакнување на заедничката рамка за безбедност.

Фото: EPA-EFE/Mohammed Badra

Поврзани написи