Масовна тепачка во Аеродром: петмина со кривични пријави, четворица добија мерки

Пет лица ќе бидат кривично гонети по масовна тепачка што се случи по полноќ во скопската општина Аеродром, соопшти МВР.

„Единицата за насилен криминал при СВР Скопје – Одделение за насилен криминал поднесе кривична пријава против Е.М., Е.Р.(30), Ѓ.А., А.Р.(32) и еден малолентик поради постоење основи на сомнение за сторено кривично дело „насилство“ по член 396 став 3 од Кривичниот законик“, информираа од МВР.

Инцидентот се случил во 01:15 часот по полноќ на подрачјето на општина Аеродром, кога настанала физичка пресметка помеѓу Н.Е.(36) и Е.М.(43) од Скопје. С.И.(23) од Скопје се обидел да му помогне на Н.Е., наведуваат од полицијата.

Напад со тврд и со стаклен предмет

Потоа за кратко се собрале повеќе лица и со тврди и со стаклени предмети ги нападнале Н.Е. и С.И., при што им нанеле тешки телесни повреди, додаваат од МВР.

За двајца од осомничените е определена мерка притвор во траење од по 30 дена, а двајца се ставени во 30-дневен куќен притвор. Случајот продолжува да се расчистува и ќе следува натамошна законска постапка.

Фото: илустрација