Маврово со години го чека новиот закон за заштита

Маврово повеќе од една деценија чека повторно да биде прогласено за национален парк, но административната постапка е затишана и не е завршена. Еколошки организации предупредуваат дека тоа ја оставя територијата ранлива за дивоградби, сечење дрва, лов и работа на мали хидроцентрали.

Невладините бараат итна постапка

Од Центарот за истражување и информирање за животната средина „Еко-свест“ велат дека правниот вакуум трае со години. „Од 2010 година наваму нема закон за повторно прогласување на Маврово за национален парк . Во 2015 година имаше иницијатива која беше повлечена од страна на Владата без никакво образложение"-Марко Гучевски, еко-свест.

Невладините, според информациите од Еко-свест, упатија писмен допис до Министерството за животна средина и просторно планирање, адресирано лично до министерот. "Имавме допис до Министерството за животна средина и просторно планирање адресирано лично до министерот, тоа беше на 9ти септември и беше потпишано од 21 организација. Со тоа бараме итно да се преземе административната процедура за прогласување на Националниот парк Маврово" -Ана Чоловиќ Лешоска, Еко-свест.

Од Министерството за животна средина и просторно планирање појаснуваат дека за да се стигне до повторно прогласување, потребно е да се изготви нов закон. Ги повикуваат невладините организации на јавна расправа и уверуваат дека наскоро ќе биде донесен план за управување со паркот. Министерството потпишало: "Министерството за животна средина и просторно планирање смета дека постапката за повторно прогласување на НП Маврово треба да биде завршена со што ќе се исполнат обврските од Законот за заштита на природата и ќе се донесе План за управување како основен документ за работа на паркот."

Додека се чека правната завршница, на видеоплатформите може да се видат снимки на странци кои ловеат во рамките на сегашните граници на паркот, а во тие граници веќе функционираат неколку мали хидроцентрали. Со евентуалното репрогласување и донесување на нов закон, овие енергетски капацитети ќе треба да се дислоцираат оти ќе влезат во заштитни зони.

Репортер: Тамара Марковска
Уредник: Б.С.

Фото: прес-материјал од настанот