Mickoski mbështet qendrat e të dhënave: sjellin prosperitet dhe të ardhme

Kryeministri Hristijan Mickoski mbrojti planet për ndërtimin e qendrave të të dhënave në Maqedoninë e Veriut, duke theksuar më 1 shtator 2026 se këto investime janë pjesë e një ndryshimi global teknologjik me përfitime ekonomike.

Mickoski lidhi qëndrimin e tij me deklaratat e fundit të presidentit amerikan Donald Trump dhe argumentoi se vendet që investojnë në infrastrukturë digjitale sigurojnë vende pune dhe tërheqin kapital të huaj.

Duke iu përgjigjur shqetësimeve në publik për konsumimin e mundshëm të ujit dhe energjisë elektrike dhe për transparencën e bisedimeve me investitorë të mundshëm, Mickoski tha se qeveria do të vazhdojë t’i drejtojë vendin drejt modernizimit dhe rritjes ekonomike.

"Pra, është e qartë se kah po shkon bota dhe ky proces është i pandryshueshëm. Sa herë shkoni në Lindje, veçanërisht në vendet aziatike, kur shihni robotët humanoidë, kur shihni se si funksionojnë zgjidhjet moderne të transportit dhe kur përballeni me ato arritje teknologjike, atëherë ktheheni të mahnitur", tha Mickoski.

Argumentet dhe kundërshtimet

Mbështetësit theksojnë fitimet e mundshme: vende të reja pune në IT, forcim të infrastrukturës digjitale, rritje të interesit të kompanive ndërkombëtare dhe përmirësim të konkurrencës teknologjike të vendit. Kritikat lidhen me rreziqet e mundshme si konsum i lartë energjie dhe mungesë transparence, si dhe kërkesën për analiza afatgjata.

Si përgjigje ndaj kritikave të opozitës, Mickoski tha se ekzekutivi do të ecë përpara me politikat e veta. „Le të vazhdojnë me politikën e tyre të kundërshtimit, dhe ne e dimë se ku po e udhëheqim vendin dhe do ta çojmë drejt prosperitetit dhe të ardhmes", nënvizoi kryeministri.

Foto: material shtypi nga ngjarja