Мицкоски предупреди на обид за дестабилизација за 23 Октомври

На свечена академија по повод 23 октомври — Денот на македонската револуционерна борба и основањето на ВМОРО во 1893-та, премиерот Мицкоски предупреди на можен обид за дестабилизација на државата и на структури за ситни политички поентирања кои се подложни на влијанија од немирите во Европа и соседството.

Мицкоски: „Свои на своето“

Мицкоски порача дека „во услови кога светот гори“ се помалку се слуша разумот, а расте насилството во различни облици, при што го постави своето обраќање како предупредување за можен прелев на немири и за искористување на таа нестабилност во домашни цели.

Во врска со евроинтегративните процеси, премиерот истакна дека местото на земјата е да седне на иста преговарачка маса со сите земји членки каде ќе може јасно и недвосмислено да ги изрази своите ставови, и дека патеката која ја трча оваа власт не е на кратки стази туку долг маратон.

Тој се осврна и на економијата — растот, изградбата на коридорите, далекуводот и други активности и предизвици пред кои е исправена земјата — и нагласи дека политиката не е игра на мускули туку шах каде се бара трпение, истрајност и мудрост.

Премиерот упати и порака до официјална Софија дека „духовите од минатото кои Бугарија особено ги разбуди по влегувањето во ЕУ нема да бидат алиби за Македонија да се откаже од своите револуционери и историја.”

На свечената академија, одржана под мотото „Свои на своето“, присуствуваа министри и други функционери, поглаварот на Македонската православна црква, претставници на Исламската верска заедница, како и симпатизери и членови на партијата.

Фото: прес-материјал од настанот