Москва го фали Румен Радев за повоздржана реторика кон Русија

Москва забележува промена во реториката на официјаlна Софија кон Русија и кризата околу Украина по стапувањето на функција на владата предводена од Румен Радев.

Ова го кажа Јуриј Пилипсон, директор на Вториот европски департман во руското Министерство за надворешни работи, во интервју објавено на 9 август.

Реакциите од руска страна

„По доаѓањето на власт во Бугарија на новата влада на чело со поранешниот претседател на земјата Радев, реториката на официјална Софија на тема Русија и кризата околу Украина стана повоздржана и доби рационални елементи“, рече Пилипсон.

Тој посочи дека од Софија се слушаат повици, повикувајќи се на „принципот на бугарските национални интереси“, за Европската Унија да го преиспита својот тек, како и предупреди на ризикот од обиди за постигнување воена победа над Русија и на потребата да се бараат дипломатски решенија.

Пилипсон ја поврза оваа линија и со односот на бугарската влада кон т.н. „Коалиција на волните“, која тој ја опиша како „група на поттикнувачи на војната“. Истовремено, рускиот дипломат оцени дека е прерано да се зборува за создавање услови за обновување на „заемно корисната руско-бугарска соработка“. „Во догледна иднина тоа ќе биде попречувано од високото ниво на политичка зависност на Софија од Брисел“, рече Пилипсон.

На 14 јули во Париз, премиерот Румен Радев изјави дека Бугарија нема да учествува во „Коалицијата на волните“. Тој рече дека лично добил покана од францускиот претседател Емануел Макрон, но ја одбил бидејќи, според него, Бугарија не треба да влегува во формат што инсистира на продолжување на финансиската и воената помош за Украина. Радев го образложи својот став со потребата од дипломатско решение и нагласи дека прашањата поврзани со колективната безбедност на Бугарија се решаваат во рамките на НАТО и ЕУ.

Во рускиот коментар, исто така се наведува дека рускиот патријарх Кирил, газдата на „Лукоил“ и олигархот Махмутов се сметаат за стратешки важни за Бугарија.

Фото: прес-материјал од настанот