Policia e Maqedonisë së Veriut arreston 20 në operacion kundër krimit të organizuar, sekuestruan makina luksoze

Policia e Maqedonisë së Veriut arrestoi 20 persona në një operacion të madh kundër një grupi të organizuar kriminal, i cili dyshohet se vepronte prej më shumë se 15 vjetësh dhe kryente vjedhje edhe në vende të tjera evropiane.

Grupe dyshohet se kryente vjedhje në Spanjë dhe në Greqi, në zonat e Halkidikit dhe Kallitheas. Ndër të arrestuarit është edhe një person që ishte arratisur nga arresti shtëpiak në Spanjë.

Hetime për ndihmë nga brenda dhe pasuri jashtë vendit

Gjatë bastisjeve u kontrolluan edhe banesa të disa policëve që dyshohen se kanë ndihmuar rrjetin duke dhënë informacione. Hetuesit po verifikojnë nëse fitimet e paligjshme janë investuar jashtë vendit, përfshirë një kontroll nëse prona në Serbi janë blerë me para të pista.

Gjatë aksionit u gjetën mbi 120.000 euro në para të gatshme dhe u sekuestruan rreth dhjetë automjete, përfshirë dy Maserati dhe dy Land Rover luksoze. Për një nga automjetet ekzistojnë dyshime të bazuara se është lidhur me dokumentacion të falsifikuar.

Operacioni, i koordinuar nga Prokuroria Publike, zgjati më shumë se një vit. Ministri i Brendshëm Panche Toshkovski e përshkroi grupin si një rrjet serioz të organizuar kriminal që vepronte për shumë vite jo vetëm në Maqedoninë e Veriut, por edhe në shtetet anëtare të Bashkimit Evropian. Ai gjithashtu njoftoi se para disa muajsh një anëtar i ngushtë i familjes së njërit prej të dyshuarve u arrestua nga policia franceze pasi në një bunker të automjetit të tij u gjetën 10 kilogramë kokainë që do të çoheshin në Maqedoni.

Foto: material shtypi nga ngjarja