Tetova me më shumë raste të gripit, por aktiviteti sezonal ende poshtë pragut

Numri i raste i rasteve të raportuara me grip dhe sëmundje të ngjashme në Maqedoninë e Veriut, nga 61 në 116 raste për periudhën nga 26 tetor deri më 1 nëntor, një rritje javore prej 90,2 për qind, njofton Instituti i Shëndetit Publik.

Rritje e përqendruar në Tetovë dhe Kumanovë

Tetova shënoi numrin më të madh të raportimeve me 48 raste, Kumanova 26 dhe Shkupi 13. Prilepi dhe Gostivari raportuan nga shtatë raste secili. Rritja në Tetovë është veçanërisht e dukshme, pasi javën e kaluar aty ishin raportuar vetëm katër raste.

Tetova dhe Kumanova së bashku përbëjnë gati 64 për qind të totalit të rasteve të raportuara në vend. Nga ana e moshës, shumica — 84 persona — janë midis 15 dhe 64 vjeç; 25 raste janë te të moshuarit mbi 65 vjeç, dhe shtatë raste te fëmijët 5–14 vjeç.

Analizat laboratorike konfirmojnë se virusi i gripit po qarkullon: nga 47 mostrave të testuara në Institutin e Shëndetit Publik, katër rezultuan pozitive për influencën A — tre pa nënlloj dhe një A(H1)pdm09. Një mostër gjithashtu rezultoi pozitive për SARS‑CoV‑2. Megjithatë, të gjitha 116 rastet e raportuara nuk janë domosdoshmërisht gripe të konfirmuara laboratorikisht, pasi mbikëqyrja javore përfshin sëmundjet me simptoma të ngjashme me gripin.

Incidenca e raportuar është 6,3 raste për 100.000 banorë, nën pragun për aktivitet sezonale prej 7,32 raste për 100.000. Kjo do të thotë se vala sezonale ende nuk ka filluar zyrtarisht, sipas Institutit.

Foto: material shtypi nga ngjarja