Намалува бројот на корморани на Голем Град поради нападите од чавки
Еколошкото друштво забележа дека нападите на чавките врз гнездата на кормораните влијаат на нивната популација во Преспанското Езеро.
Македонското еколошко друштво (МЕД), во соработка со Националниот парк „Галичица“, направи попис на птичјите гнезда на островот Голем Град во Преспанското Езеро. Вкупно беа забележани 1.044 активни гнезда, најмногу од кормораните (Phalacrocorax carbo) со 865 гнезда, додека 126 припаѓаат на сивата чапја (Ardea cinerea), а околу 50 на малата бела чапја (Egretta garzetta).
Намалување на бројката на корморани
Според МЕД, во последниве две години се регистрира намалување на бројот на гнезда на кормораните и зголемување на гнездата на двете чапји видови. Воедно, еколозите на терен забележаа присуство на колонија од чавки кои нападале и уништувале јајца во гнездата на корморани, особено кога родителите ги напуштале гнездата, што директно влијае на бројот на корморани.
„Покрај тоа, забележуваме и дрвја каде порано имало гнезда, а сега ги нема, веројатно како резултат на бури. Овие природни фактори претставуваат контрола на популацијата на кормораните која ќе ја следиме на годишно ниво“, истакнуваат од Македонското еколошко друштво.
Значајноста на Голем Град
Островот Голем Град е прогласен за природен резерват поради својата уредба, разновидната флора и фауна и богатото историско минато. Кормораните имаат клучна улога во регулирањето на екосистемот на островот и се важна компонента од неговата биолошка разновидност.
Пребројувањето на гнездечките колонии е дел од континуираното следење на најголемата гнездечка колонија на корморани во Македонија, како и на другите колонијални гнездилки кои го населуваат островот.