„Mos blini dru për ngrohje nga persona të dyshimtë“, apel nga Pyjet Kombëtare

Para sezonës së ngrohjes, Pyjet Kombëtare drejtuan një apel ndaj qytetarëve: “Mos blini dru për ngrohje nga persona të dyshimtë” dhe paralajmëruan që ofertat me çmim shumë të ulët duhet të verifikohen, sepse blerjet e tilla mbështesin prerjet e paligjshme të pyjeve.

Sipas zyrtarëve, praktika e deri tani tregon se pas çdo prerjeje të paligjshme zakonisht qëndrojnë rrjete të organizuara që përfitojnë nga pasuria natyrore.

Paralajmërim për ndëshkime ndaj atyre që sulmojnë zyrtarët

Zëvendësdrejtori Kire Mihailov paralajmëroi se “të gjithë ata që guxojnë në të ardhmen t’i vënë dorën një zyrtari të autorizuar duhet të jenë të përgatitur paraprakisht se do të pasojë një dënim serioz me burg”, pasi bëhet fjalë për sulm ndaj një zyrtari.

Mihailov po ashtu pranoi se ka raste kur punonjës të ndërmarrjes janë lidhur me struktura kriminale. “Po, ende ka punonjës tanë për të cilët kemi vërtetuar lidhje të caktuara me strukturat kriminale dhe aty ku e detektojmë këtë, nuk ka falje. Menjëherë fillon procedura për atë që e kemi si prova dhe kemi pezullime, kallëzime penale,” tha zëvendësdrejtori Kire Mihailov.

Përveç vjedhjeve të drurit, pyjet e Maqedonisë vuajnë çdo vit edhe nga piromanët; dëmet janë të mëdha si për pyjet ashtu edhe për shëndetin e banorëve, paralajmëruan nga Pyjet Kombëtare.

Foto: material shtypi nga ngjarja