Неготинец измамен со лажна СМС-порака, останал без 27.000 денари

44-годишник од Неготино пријавил во ОВР Неготино на 19 август дека бил измамен со лажна СМС-порака и останал без 27.000 денари.

Во пораката било наведено дека станува збор за наводен сообраќаен прекршок и биле дадени инструкции за уплата на глоба во висина од 920 денари. Во пораката било наведено дека важи попуст од 50 проценти и прикажана сума за уплата од 460 денари.

Пријавителот ги следел упатствата и ја започнал постапката за уплата со картичката на неговата сопруга. Прво му пристигнала порака за успешна трансакција, а по кратко уште една порака; откако ја проверил состојбата на сметката, увидел дека од неговата картичка е повлечена значително поголема сума.

„Пријавителот ги следел инструкциите и со картичката на неговата сопруга ја започнал постапката за уплата, по што му стигнала порака за успешна трансакција, а по кратко добил уште една порака и откако ја проверил сумата што му е повлечена од сметката сфатил дека бил измамен“, информираше Ана Милевска-Ѓеоргиева, портпарол на СВР Велес.

Случајот е пријавен во ОВР Неготино на 19 август, а податоците за настанот ги достави СВР Велес.

Фото: СДК.МК)