Николоски од Брисел: Посветено ги спроведуваме реформските процеси и Планот за раст

Заменик-претседателот на Владата и министер за транспорт, Александар Николоски, на панел-дискусија во Брисел посветена на проширувањето на Европската Унија порача дека земјата континуирано ги спроведува реформите и ја реализира Планот за раст. Настанот го организираше тинк-тенк организацијата „Пријатели на Европа“, а неговиот кабинет објави соопштение со појаснување на изјавите.

Трет највисок економски пораст и целосна усогласеност со надворешната политика на ЕУ

Во обраќањето тој го нагласи економското подобрување и исполнувањето на барањата од меѓународните партнери: „Македонија успешно ги спроведува реформските процеси, бележи трет најголем економски раст во Европа од 4,3 отсто во вториот квартал, целосно сме посветени и усогласени со заедничката надворешна и безбедносна политика на ЕУ’, истакнал Николоски, според соопштението од неговиот кабинет.

Николоски додаде дека од Планот за раст до реформите, Владата ги исполнила очекуваните обврски и дека земјата бележи напредок во политичката, економската и меѓуетничката стабилност. „Што се однесува до реформите, генерално добро се справуваме. Беше споменат Планот за раст, сè што беше побарано од нас, направивме. Економијата буквално бележи рапиден раст. Во вториот квартал од оваа година имаме раст на БДП од 4,3 отсто, што е трет највисок во Европа. Она што е многу важно за мојата земја: имаме политичка, економска, но и меѓуетничка стабилност и кохезија, нешто кон кое стремевме во минатото. Кога ќе ја погледнете целата слика, земјата се движи во добар правец. Целосно сме посветени и усогласени со заедничката надворешна и безбедносна политика на Европската Унија – не 80, не 90, туку 100 отсто. Единствената причина зошто не напредуваме, за жал е ова вето од Бугарија“, истакнал Николоски.

Тој оцени дека поддршката од ЕУ е видлива и посочи како значаен знак претстојната посета на претседателката на Европската комисија, Урсула фон дер Лајен, која пред доаѓањето во Скопје престојуваше во Албанија, Црна Гора и Косово. „Сега работите дефинитивно се менуваат. Секако, ситуацијата со Украина и Молдавија му помага на целиот процес на проширување и тоа треба да се искористи. Постои интерес за регионот. Претседателката Фон дер Лајен доаѓа во Скопје – беше во Албанија, Црна Гора, Косово и доаѓа во Македонија, што е одличен сигнал. Се надевам дека ќе се најде механизам што Европската Комисија ќе може да го искористи и да ги отвориме пристапните преговори. Отворените прашања со соседите мора да се решат на еден или друг начин, но сметам дека атмосферата ќе биде многу порелаксирана и позитивна ако ги започнеме преговорите“, соопшти неговиот кабинет.

На панелот Николоски истакна дека успехот на регионот зависи од заеднички настап и посочи дека економскиот раст, развојот на туризмот и зголемената ависообработка го покажуваат порастот на интересот кон Западен Балкан.

Фото: прес-материјал од настанот