Облаци прашина на Шар Планина поради четирицикли и мотори

Во овие летни месечни, големи површини од Шар Планина се обвиткуваат во прав додека четирицикли, крос‑мотори и други теренски возила ги крстарат планинските патеки. Иако засега нема шумски пожари, загушувачкиот звук и облаците прашина што ги оставаат зад себе им пречат на останатите посетители, а и на жителите од селата кои се внатре во заштитената површина.

Раководството на паркот предупредува дека ова не е нов проблем: со прогласувањето на паркот беше воведен режим за движење на моторни возила и беше изработена прецизна карта со патеки по кои е дозволено движењето, но дел од посетителите ги игнорираат правилата.

Картата објавена, табли на влезовите

Откако е воспоставен режимот, институцијата ги поставила правилата за да го балансира заштитниот статус и рекреативната употреба. Картата со дозволени и забранети патишта е објавена на веб‑страницата на Националниот парк, а на сите влезови се поставени информативни табли.

Посетителите што управуваат со теренски моторни средства често создаваат големи облаци прашина кои ја намалуваат видливоста и го нарушуваат мирот за оние кои доаѓаат на планината да побараат тишина; исто така, локалните жители од селата внатре во Националниот парк ги пријавуваат нарушувањата на секојдневниот живот поради бучавата и подигањето прашина.

„Со прогласувањето за Национален парк воспоставен е и нов режим за заштита, првично во согласност со Законот за заштита на природата, којшто наложува одредени зони да бидат непристапни за моторни возила. За таа цел е направен режим на движење уште пред три години, кога институцијата го усвои овој режим, а картата со дозволени и забранети патишта ја објавивме на нашата веб-страница и поставивме табли на сите влезови. Направивме баланс каде што ќе има тивки зони, како и зони во коишто оваа група посетители што сакаат вакво возење ќе можат да го посетат Националниот парк“, вели Анела Ставрова-Панајотова од НП „Шар Планина“.

Од паркот повикуваат на почитување на означените патеки и воспоставениот режим; велат дека доколку непочитувањата продолжат, ќе бидат разгледани построги контроли или привремени затворања на одредени правци со цел заштита на живеалиштата и на локалните заедници.

Фото: СДК.МК)