Околу 34.900 домаќинства живеат во повеќедимензионална сиромаштија

Околу 6 проценти од домаќинствата во Република Северна Македонија, односно приближно 34.900 домаќинства, живеат во повеќедимензионална сиромаштија, покажува ново научно истражување кое ја мери лишеноста во сите 80 општини и осум плански региони.

Дали државата ќе им помогне на најсоцијално ранливите категории, порталот 24 го праша министерот за социјална политика, Ѓоко Велковски, кој изјави дека владата ќе размислува за пакет мерки насочени кон овие групи.

Значајни разлики меѓу региони и општини

Истражувањето ја наоѓа највисоката стапка на повеќедимензионална сиромаштија во Југоисточниот регион — 10,3%, потоа во Вардарскиот регион со 9,0% и Североисточниот со 8,9%. Најниска стапка е забележана во Скопскиот регион — 2,3%.

На ниво на општини разликите се уште поизразени: во Чашка 71% од домаќинствата се повеќедимензионално сиромашни; следуваат Старо Нагоричане со 66%, Конче со 58%, Могила со 56% и Новаци со 49%.

Авторите на студијата посочуваат дека сиромаштијата е најизразена во мали и оддалечени општини, каде недостапноста до училишта и здравствени услуги често е поврзана со ниско образовно ниво. Како заклучок, тие оценуваат дека социјалните и развојните политики треба да се фокусираат конкретно на општините и видот на лишеноста што е детектирана.

Фото: прес-материјал од настанот