Опозициски прашања во Собранието: не беше поставено прашањето за случајот Ива Михаилова

На седницата за опозициски прашања во Собранието не беше поставено прашањето за случајот Ива Михајлова, и покрај присуството на премиерот Христијан Мицкоски и на министерот за внатрешни работи Панче Тошковски.

Седницата прекината, фокусот се смени

Пратениците на Левица беа подготвени да го постават прашањето за случајот Михајлова, но седницата беше прекината и вниманието се сврте кон прашања поврзани со Софија. Од Левица посочија дека баџанакот на премиерот, за кој тврдат дека има и бугарско државјанство, имал фирми таму и бил еден од најголемите финансиери на партијата.

Лидерот на Левица, Димитар Апасиев, директно го праша премиерот дали е запознаен со бизнисите на неговиот баџанак од Струмица. Премиерот возврати дека, како што рече, "ваквиот однос Апасиев е кукавички и со ниски удари."

Пратеничката Арбана Пашоли од Европскиот фронт го постави прашањето за евроинтегративниот процес, при што премиерот ја покани опозицијата да се вклучи во работата на акцискиот план за малцинствата, кој тој го опиша како важен чекор на патот кон евроинтеграциите.

Меѓу останатите теми беа и прашања за животната средина — депонијата Краста во Куманово и дивите ископувања на песок, за кои прашуваше координаторот на СДСМ, Оливер Спасовски. Од ДУИ дојдоа и прашања со етнички предзнак.

И покрај тоа што случајот Ива Михаилова е во фокусот на јавноста во изминатиот период, на седницата за опозициски прашања не се најде простор за официјално да биде поставен тоа прашање.

Фото: прес-материјал од настанот