Плати или остануваш: странските возачи не можат да ја напуштат Македонија без платена казна

Странските возачи кои направиле сообраќаен прекршок на територија на Северна Македонија нема да можат да ја напуштат државата додека казната не им биде платена, но вoобичајната проблематика со блокади на премините сега ја решаваат QR-кодовите и новиот веб-портал safecountry.mvr.gov.mk.

Како функционира на границата?

Министерството за внатрешни работи го воведе системот „Safe City“ на граничниот премин Табановце за да ги избегне долги редици пред пасошката контрола. Регистарските таблички се читаат автоматски, а возачите добиваат флаери со QR-код што ги води до порталот за проверка и плаќање.

На порталот се внесува табличката и пасошот за да се види дали постојат евидентирани казни. Плаќањето се врши исклучиво онлајн со платежна картичка, а за брзо плаќање важи попуст од 50%.

На границата се наплаќаат и прекршоците евидентирани уште од 1 февруари годинава, што доведе до изненадување кај некои возачи кои добија ретроактивни казни при пристигнувањето на преминот.

Камерите се поставени по целиот Коридор 10 (од Табановце до Богородица), како и во Скопје, Куманово, Тетово и дел од патот кон Охрид. Пречекорувањето на брзината носи казни од 20 до 300 евра (со системска толеранција за мали пречекорувања). Неносењето сигурносен појас и користењето мобилен телефон за време на возење чинат по 40 евра. Поминувањето на црвено светло е 250 евра, а непрописното паркирање се движи од 30 до 50 евра.

Советот до сите кои патуваат со странски регистарски таблички е да ја проверат регистрацијата на официјалниот портал на МВР пред да пристигнат на преминот за да избегнат непотребни задржувања.

Фото: прес-материјал од настанот