Почина Дуду Џорџеску, двократен освојувач на Златната копачка
Легендарниот напаѓач на Динамо Букурешт и најдобар стрелец во румската лига почина на 76-годишна возраст.

Фудбалска Романија е во тага по веста за смртта на Дуду Џорџеску. Почина на 76-годишна возраст, а во последните години живееше во Торонто.
Џорџеску е најдобар стрелец во историјата на првата лига на Романија со вкупно 252 гола. Најсилниот впечаток го остави во дресот на Динамо Букурешт, за кој постигна 207 гола во 260 настапи. За репрезентацијата настапи 40 пати и постигна 21 гол.
Двократен добитник на „Златната копачка“
Тој ја освои Златната копачка на Европа во 1975 и 1977 година, оставајќи зад себе имиња како Дитер Милер, Руд Гелс и Бела Варади. Џорџеску е еден од ретките играчи — заедно со Lionel Messi и Cristiano Ronaldo — кои постигнале 47 или повеќе голови во една лигашка сезона, што ја илустрира неговата класа како голгетер.
По веста за смртта, пораки на сочувство дојдоа од поранешни соиграчи и ривали кои го паметат по убиствениот голгетерски инстинкт и придонесот за клубот и државниот тим.
Според канадските медиуми, е започната истрага за да се утврдат околностите на смртта.
Фото: прес-материјал од настанот


